Marash Kumbulla ka lënë fushën e lojës që në minutat e parë të duelit mes Romës dhe Milanit. Mbrojtësi shqiptar u rrëzua pas një dueli ajror me Zhiru dhe menjëherë kapi gjurin me dorë.
Nuk dihet ende një diagnozë e saktë e këtij dëmtimi, por ka qenë vetë trajneri i Romës, Zhoze Murinjo, ai që ka bërë të ditur se ky sezon ishte i mbyllur për mbrojtësin e kombëtares shqiptare. Duke folur për krizën e dëmtimeve të njëpasnjëshme në klubin e tij, Murinjo ka pranuar se dëmtimi që pësoi lojtari, ishte i rëndë.
“Situata e Kumbullës është më e rënda se e të gjithëve. Është e shëmtuar, është e shëmtuar”, pohoi ai para gazetarëve, duke u shprehur më pas se nuk priste futbollistin të kthehej për ndeshjet e mbetura të këtij edicioni.
“Me 100% nuk do ta shoh më”, tha trajneri portugez para gazetarëve duke përforcuar edhe më shumë problemin që duket se do të lërë jashtë fushave të lojës futbollistin shqiptar për një kohë ët gjatë.
PANORAMASPORT.AL
